Yalnız QADIN…
Niyə məhz yalnız kişi yox, yalnız qadından yazırıq? Çünki bu toplumda 'yalnız qadın' birləşməsi daha çox mövzu içərir, daha çox yüklüdü, daha ağırdı mənası, daha dərindi açması. Çünki bu toplumda bir düşüncə hakimdi: qadın kişidən asılıdır. Yalnızlığı ilə mutlu və hüzurlu olmadığını düşündüyümüz qadınlardan əziyyət çəkirik həm də və toplum olaraq bu əzabı onlara da yansıdırıq.
Yalnız qadın bəyənilməyən, tərcih edilməyən, oxumayan, bir becərisi olmayan, çalışmayan, uşaq doğmayan, qab yumayan, ev təmizləməyən qadın deyil.
Yalnız qadın övladı olmadığı üçün yaşım keçir deməyən, evliliyi həyat məqsədinə çevirməyən, özgüvənini bir kişinin sevgisindən qazanmayan, gecikdim deyə qarşısına çıxan ilk kişini həyatına almayan, mutluluğunu bir adama bağlamayan qadındır.
İndi deyim sizə, yalnız qadın kimdir və niyə yalnız, 'qadındır?!'
Yalnız qadın gözləri ilə danışan, dərdlərini öz çiynində daşıyandı. Özü ilə danışmağı bacarmaq böyük bir səltənətdi.
Yalnız qadın kimsədən umacağı olmayan əsil qadındı. Bir gözləntinin olmaması səadətdi.
Yalnız qadın xəyallarını bir kişiyə bağlamayan, arzularını gerçəkləşdirmək üçün kişiyə ehtiyacı olmayan qadındı. Umacağı olmayan qadın özünü xoşbəxt etməyi bacarır.
Yalnız qadın 'Caron’s Poivre' ətrinə sahib olmaq üçün bir kişinin plastik bank kartını sahiblənməyən qadındı. Gərəkliliklərini qarşılamağı bacarmaq insan üçün öhdəlikdi.
Yalnız qadın öz ayaqları üstündə dik, alnıaçıq dayana bilən qadındı. Ayaqda durmaq üçün özünə inanmalı və ətrafa gözünü qapamalısan.
Yalnız qadın öz dünyası olan və o dünyada özünə sarıla bilən qadındı. Özünü sevməkdən başlamalısan.
Yalnız qadın özünə sayğısı olan qadındı.
Yalnız qadın sizin bildiyiniz yalnızlıqdan çox uzaqdadı.
Aysel Abdullazadə...
Yorumlar
Yorum Gönder