Yalnızlığa alışmış biri heç vaxt yalnızlığını yarı yolda buraxmaz. Yalnızlıq qoxan birinin öz dünyası, öz xəyalları, dəyişik yaşamı vardır. O, öz dünyasına minlərlə insanın içindən gedər, hüzuru, sakitliyi orada tapar. Həyatı, kənardan monoton görünsə də, digər insanların yaşamından daha fərqlidir.
Yalnızlığı yaşaya bilən biri özünü yaşamağı bacarır deməkdir.
Yalnızlığa alışan qadının evində hər şeyin yeri sabit olar. Mətbəxindəki stəkanların, fincanların durduğu yer daimidir. Hara nə qoyduğunu gözüyumulu tapa bilər yalnızlıq qoxan qadın.
Yalnızlıq ətirli kişilərin siqareti daima pəncərə kənarında olar. Xəyalları da o pəncərədən asılıdır həmişə.
Yalnızlığa alışan birinin içində bir gəmi vardır limanına sadiq. Getdiyi yer və dayandığı liman onun yaşamını bəlirləyən A və B nöqtələridir. Getmək deyil də, o liman onlar üçün çox önəmlidir. Və sən də o gəmidə yol alaraq o limana sığınmış biri isən sənin də önəmin daima qalıcıdır.
Yalnızlığa alışan biri qələbəliyi sevməz məsələn, sıxlıqdan sıxılar, tez öz limanına, hüzur bulduğu yerə çəkilmək istər. Yalnızlıq qoxan fincanda tənhalıq ətirli hüzur dolu tünd bir qəhvə onu öz dünyasına aparar.
Yalnızlığa alışmış birindən qorxmayın. Yaxınlaşmağı bilsəniz, onun yalnızlığını paylaşdığı insan olacaqsınız.
Hə, bir də deyim ki, yalnızlıqlarını paylaşdıqları adamı çox sevər yalnızlıq qoxan qadınlar. Fəqət, onların dünyasına, hüzuruna, özünə toxunmadan paylaşmağı, bölüşməyi, onunla bütün olmağı bacarmalısan. Çünki onlar tənhalıqlarından vaz keçməzlər. Siz isə bu tənhalığa liman olun. Onların sığındığı ıssız bir liman…
Hə, bir də deyim ki, yalnızlıqlarını paylaşdıqları adamı çox sevər yalnızlıq qoxan qadınlar. Fəqət, onların dünyasına, hüzuruna, özünə toxunmadan paylaşmağı, bölüşməyi, onunla bütün olmağı bacarmalısan. Çünki onlar tənhalıqlarından vaz keçməzlər. Siz isə bu tənhalığa liman olun. Onların sığındığı ıssız bir liman…
Aysel Abdullazadə
24.07.2017
24.07.2017
Yorumlar
Yorum Gönder