Ən şərəfli peşə - müəllim!
Gözümü açan gündən evimizdə şagirdlər görmüşəm. Anam danışır ki, hələ bələkdə olan körpə vaxtlarımda ağlamağım eşidilməsin deyə məni qucağında gəzdirirmiş. Atam o vaxtdan məktəbdə dərs deməklə bərabər repetitorluqla məşğul idi. Bir otaqlı evimizdə şagirdlərə özəl dərs verən atam bizi bu şərəfli peşənin qazancı ilə böyütmüşdü.
Ömrünün otuz yeddi ilini öyrətməyə sərf edən, öyrətməklə bərabər öyrənməyin də önəmini unutmayan öyrətmənlərdən idi Nizami müəllim.
Nizami Abdullayev 01 oktyabr 1957-ci ildə zəhmətkeş ailəsində doğulub. 1975-ci ildə Tovuz rayon A.S.Puşkin adına orta məktəbi əla qiymətlərlə bitirərək Bakı Dövlət Universitetinin mexanika-riyaziyyat fakultəsinə qəbul olur. Ali təhsilini fərqlənmə ilə başa vuraraq Tovuz rayonununa təyinatla müəllim olaraq göndərilir. İlk müəllimlik fəaliyyətini ucqar bir kənddə başlasa da, riyaziyyat fənninə olan xüsusi sevgisi ona peşəsində irəliləməkdə əvəzsiz yardımçı olur. Rayon mərkəzindəki məktəblərin birində direktor müavini vəzifəsinə təyin olunur. Daha sonra Gəncə ELM Təhsil Mərkəzi Yeyinti Sənaye İnstitutunda baş müəllim olaraq çalışır. 2000-ci ildən isə Tovuz rayon N.Tusi adına məktəb-liseydə riyaziyyat fənnini tədris edir.
Tovuz rayon Təhsil şurasının üzvü seçiləndən sonra Nizami Abdullayevin nümunəvi pedaqoji fəaliyyətinə görə:
- Azərbaycan Respublikası Prezidentinin 2004-cü il 04 oktyabr tarixli №-li fərmanı ilə "Azərbaycan Respublikasının Əməkdar müəllimi" fəxri adı verilmişdir.
- Azərbaycan Respublikası Təhsil Nazirliyinin 04 oktyabr 2004-cü il 11/423 №-li əmrinə əsasən "Azərbaycan Respublikası qabaqcıl təhsil işçisi" adı və döş nişanı ilə təltif olunmuşdur.
- 2008-ci il 19 avqust tarixində Azərbaycan Respublikası Prezidentinin sərəncamına əsasən "İlin ən yaxşı müəllimi" müsabiqəsinin qalibi adına layiq görülmüşdür.
- 2003-cü ildə Azərbaycan müəllimlərinin XII qurultayının, 2008-cil ildə isə XIII qurultayının nümayəndəsi olmuşdur.
- 1990-1995-ci illərdə Tovuz rayon Sovetinin deputatı seçilmişdir.
- Azərbaycan Respublikası Təhsil Nazirliyinin 04 oktyabr 2004-cü il 11/423 №-li əmrinə əsasən "Azərbaycan Respublikası qabaqcıl təhsil işçisi" adı və döş nişanı ilə təltif olunmuşdur.
- 2008-ci il 19 avqust tarixində Azərbaycan Respublikası Prezidentinin sərəncamına əsasən "İlin ən yaxşı müəllimi" müsabiqəsinin qalibi adına layiq görülmüşdür.
- 2003-cü ildə Azərbaycan müəllimlərinin XII qurultayının, 2008-cil ildə isə XIII qurultayının nümayəndəsi olmuşdur.
- 1990-1995-ci illərdə Tovuz rayon Sovetinin deputatı seçilmişdir.
Otuz yeddi illik təhsil karyerasının 29 ilini ona dəstək olan həyat yoldaşı ilə paylaşan Nizami müəllim ailə həyatında da uğurlu bir yol keçmişdir. Xanımı Sürəyya Abbasova M.Ələkbərov adına orta məktəbi bitirmiş, Gəncə Kənd Təsərrüfat Akademiyasının iqtisadiyyat fakultəsinə qəbul olmuşdur. Bundan sonra ikinci ali təhsilini tarix müəllimi olaraq davam etdirmişdir. Tovuz rayon A. Hüseynov adına orta məktəbdə tarix fənnini tədris edən Sürəyya xanım, həyat yoldaşı Nizami müəllimə bütün uğurlarında həm müəllim yoldaşı - həmkarı, həm də ömür-gün yoldaşı olaraq mənəvi dəstəyini əsirgəməmişdi.
Uğurlu bir ailədə doğulmağımdan əlavə, valideynlərimin daha bir şansı bu gün bu yazını yazmağımla əlaqədardır. Həyatmı desəm, təsadüfmü desəm. ata-anamın doğum tarixi belə ardıcıldır. 01 oktyabrda atam,02 oktyanrda isə anam dünyaya gəlib. Bu, evrənin bir mesajıdır, məncə. Çox inanclı olmasam da, həyatda bəzi şeylərin təsadüfdən daha ötə bir şey olması qənaətindəyəm.
Və bu gün bu yazını fəxlə yazan, sizin övladınız olduğu üçün özünü şanslı və uğurlu hesab edən Aysel Abdullazadə, valideynləri sayəsində yüksək təhsilə yiyələnən digər qızınız Aytac Feyzizadə və sizə,orta məktəbdə müəllimi, evdə atası kimi yanaşan oğlunuz Ayxan Abdullazadə bu gün üçün deyil, yaşadığınız şərəfli ömür üçün sizi təbrik edir!
Və bu gün bu yazını fəxlə yazan, sizin övladınız olduğu üçün özünü şanslı və uğurlu hesab edən Aysel Abdullazadə, valideynləri sayəsində yüksək təhsilə yiyələnən digər qızınız Aytac Feyzizadə və sizə,orta məktəbdə müəllimi, evdə atası kimi yanaşan oğlunuz Ayxan Abdullazadə bu gün üçün deyil, yaşadığınız şərəfli ömür üçün sizi təbrik edir!
Yaxşı ki, bizim valideynimiz, bizim müəllimimizsiniz!
Doğuluşunuz qutlu olsun, Azərbaycan müəllimləri!
Müəllif: övladları
Yorumlar
Yorum Gönder