Bu gün necə oyandınız?
Məsələn, gözünüzü açdığınızda ağlınızdan ilk nə keçdi? Kimi düşündünüz? Nə etmək istədiniz?
Məsələn, gözünüzü açdığınızda ağlınızdan ilk nə keçdi? Kimi düşündünüz? Nə etmək istədiniz?
Məsələn, məni günəş oyandırdı. İşıqları gözlərimə əvəzolunmaz bir parlaqlıq bəxş etdi. Gözümü ilk açdığımda görə bildiyim üçün, bu işığı hiss etdiyim üçün və Günəşin adını dilimdə söyləməyi bacardığım üçün şükran dolu bir təbəssüm yağdırdım kainata.
Sonra bir kofe dəmlədim. Ətrindən az qalsın ağlımı itirəcəkdim. O qədər muazzam idi kofe qoxusu. Məncə, kofe isti bir içəcək olmaqdan ziyadə daha dərin bir şeydi. Nəysə. Fincandan gələn ətirlə birlikdə pəncərədən ətrafa boylandım. Bir yerlərə tələsən maşınlar, harasa gedən insanlar diqqətimi çəkdi. Bir qurtum kofe içdikdən sonra beynimdə misralar yazıldı. Qeyd eləməsəm, unuduram. Nə qədər hafizəmi zorlasam da, ağlıma gələn o misranı xatırlaya bilmirəm. Hə… Yenə qeyd etmədim, yenə bir şeir doğmadan abort olundu beləcə. Olsun, dünyadakı abort olunan fetüslərin sayı mənim beynimdəki şeirlərdən milyonlarla çoxdur. Kaş ki, əksi olsaydı. Bu düşüncələrlə kofemi bitirdim. Otağa qayıtdım. Bu gün nələr edəcəyimi planladım. Normalda planlı yaşamı sevmirəm, amma bəzi şeylər mütləq planla yapılmalıdır. Məsələn, saat 2də vəkilimlə görüşüm var, sonra isə 6saatlıq bir səfər üçün bilet almalıyam.
Bir baxdım, telefonuma görüntülü zəng gəlir. Bakı vaxtı ilə saat 9 olmalı idi. Sevgilim, mən buraya gəldiyimdən bəri hər gün 8də mənə görüntülü zəng edir, sonra işə gedir. Bax, günümün enerjisinin 85/100 doldu artıq.
Deyirdim axı, günə enerjik başlamağınız gözünüzü açdığınızda ilk nə düşünməyinizdən asılıdır.
Günaydın!
Aysel Abdullazadə...
Yorumlar
Yorum Gönder