Post views: counter

15 Nisan 2015 Çarşamba

Məni aldatmaq asandır!


Məni aldatmaq asandır, 
Çünki tez inanıram. 
Buz kəsilmiş qəlbləri, 
möhürlənmiş dilləri 
nəzərə almıram...

Məni aldatmaq asandır! 
Hamını eyni bilirəm 
həyatın bir sınağından çıxıb, 
yeni bir imtahanına girirəm...

Məni aldatmaq asandır! 
Üzündəki üzləri görmürəm, 
ya da görmək istəmirəm. 
Qəlbindəki nankorluğu, 
dilindəki saxta kəlimələri 
görməməzlikdən gəlirəm...

Məni aldatmaq asandır! 
Tez inanıram. 
Qəlbimi ovsunlayan mərdlik sözünə aşiq olub, 
arxamca kəlimələri ustalıqla seçib 
üzümə gülümsəyən,
insanlıqdan kənar insanlara inanıram!

Aysel Abdullazadə
22.02.2015

0 yorum:

Yorum Gönder

 
Post Views Script by MBT -->