Hər insanın xəyalı olması onun daxilinin nə dərəcədə geniş və düşüncələrinin necə formalaşmağından xəbər verir. Çünki xəyal həmin insanın içidir, daxilidir, kim olmağını anladan prosesdir. Bəs hər insan xəyal qurarmı? Beynində yaşatdığı, arzuladığı şeyləri özü üçün bir dünya halında toparlayıb, orda, öz qurduğu dünyanı həmişə özü ilə daşıyan insanlar nə qədərdir?
Məncə, xəyal insan yaşamının bir hissəsidir, hətta mən deyərdim ki, xəyal qurmayan insanın hədəfləri olmur. Çünki öncə beynimizdə istəyimizə adaptasiya olub, onu canlandırıb necə gerçəyə çevirəcəyimizi düşünəndən sonra nail olmağa müvəffəq oluruq. Xəyal özü də bir dünyadır, çünki yaratmaq istədiyimiz şeyləri, arzularımızı orda cəmləyib, bir araya toplayırıq. Xəyallar insanın yaşam həvəsidir, eşqidir. Ruh yüksəkliyi yaradan, insanın istəklərini özündə birləşdirən və divardan asdığı bir çərçivədir, beynində həmişə o çərçivəni canlandırmaqdır.
Xəyallarımız bizim məhz bizə aid olan dünyamızdır, çenki orda artıq insanlar, elavə. lazımsız şeylərə yer yoxdur. Məhz bu səbəbdən də tam olaraq bizi biz olaraq anladan, göstərən qavramdır. Xəyallarımızda sevdiklərimizi yerləsdirərik, onlarla arzuladığımız şəkildə yaşayarıq, gələcəyə dair planlar qurub onu xəyal səhnəsində rollarla ifa edərik. Xəyal bir nöqtədən başlayar, nə ondan əvvəli vardır, nə də ondan sonrası...
Xəyal qurmaq həyatı həqiqiləşdirən, gerçəyi gerçəkləşdirən amildir. Xəyal qurmaq müvəffəqiyyət və fərdi inkişafın ayrılmaz tərkib hissəsidir. İnkişaf etməkdir, yerində saymadan irəliyə dosğru addımlamağın başlanğıcıdır. Çünki həyatda düşüncə hərəkətdən öncə gəlir. Reallaşdırırlması gərəkən bütün şeylər ilk əvvəl beyində planlanir, sonra isə tətbiq olunur.
Böyük nəticəyə gedən yol böyük düşüncədən başlayır, düşünüb istəyi zehnimizdə canlandırıb xəyalən onu yaşayıb, yaratmağa nail olmaq gərəkdir. həyatda heç bir riski olmayan ən zövqlü və yeganə işdir xəyala dalmaq... Xəyal dənizində gəmi batmaz, irəliləyər, sadəcə irəliləyər.... Lakin şərtlənmələriniz zamansız və məkansız bir müstəvidə sizi manevr etmənizə mane olacaq dayaz sahillərə aparar.
Xəyallarımız bizim toz-pembe dünyamızdır, görmək istəyib, yaşamaq istıdiklərimizdir, sevdiyimiz və bizim kim olmağımızı bizə göstərən anlatımdır. Yalansızdır, məsumdur, safdır. Xəyal sözündə arzu anlamı var, xəyal istək yüklüdür. Odaklandığımız şeyləri beynimizdə paylaşmaqdır. Özünüzü olmaq istədiyiniz şəkildə xəyal edin, məhz o zaman özünüzü tapacaqsınız, kimliyinizi görəcəksiniz. Hər zaman , nə olmasından asılı olmayaraq nikbin xəyalların arxasınca gedin. Görəcəksiniz, xəyallarınıza qovuşacağınız gün uzaqda deyil.
Xəyallarınızın xəyal olaraq qalmaması diləyilə...
Aysel Abdullazadə
09.08.2014
Yorumlar
Yorum Gönder