Post views: counter

6 Mayıs 2014 Salı

Ayselin doğum günü - 24 yaş


Bu gün dünyaya gəlişimdən tam 24 il keçir. Bu illər ərzində gözəl uşaqlıq xatirələrim, orta məktəb illərim, universitet məzunu olma günüm, evliliyim, ayrılma məqamım və bu günüm həmişə xatirimdə yaşayacaq. İnsan həyatında bir neçə dəfə dərin izlər buraxaraq yaddaşına bir ömür boyu həkk olunacaq anlar yaşayır. 
Bunlar dövrlərlə mərhələlər şəklində kino lenti kimi həyat səhnəmizdə həmişə canlanır. Yaşamımızın ən maraqlı və qayğısız, bəxtəvər illəri uşaqlıq dövrümüzdür. Mənimdə uşaqlıq xatirələrim daima gözəl, sevgi ilə anımsadığım illərimdir. Orta məktəb dövrü və gəncliyin ilk addımı olan tələbəlik! Sonra enişli-yoxuşlu, insanı formalaşdıran, həyat üçün hazırlayan, müəyyən qəliblərə salan yaşam tərzi, ailə həyatı, bəzi atılan uğursuz addımların acı nəticələri ilə böyüyürük. 

Bütün bu saydıqlarımı mən yaşamışam, çətinlikləri, acını, yalnızlığı, çarəsizliyi-hamısını dadmışam. Həyat səhnəsində insanlar həmişə eyni rolda yer almırlar, daima dəyişikliklər olur. çünki eyni olsa insan digər şeylərin qədrini bilməz, aradakı fərqi anlamaz, yaxşı ilə pisi seçməkdə aciz qalar. Mən də elə, həyat səhnəmdə rollarım çox olub, onlar bir xatirə kimi daimamənimlə yaddaşımda qalacaq. 

Və nəhayət, bu gün mən varamsa, mən Aysel olaraq həyatda öz yerimi tuta bilmişəmsə bu mənim uğurumdur, sevincimdir, özümə olan güvənimdir. Həyat eşqim bütün acı xatirələrə, çətin günlərə rəğmən heç vaxt azalmayıb və sönməyib. 

Bunun üçün Allahıma daima şükürlər edirəm. Çünki O həmişə yanımda olub, mənimlə olub və heç vaxt məni yalnız buraxmayıb.Bu gün 24 yaşım tamam oldu, həyatımdan bir il də beləcə geridə qaldı. Yaşımın artmağından heç də narahat deyiləm, əksinə mən həmişə olqun görünmək istəmişəm, bacarmışam da. Çünki həyat məni böyüdüb, bioloji yaşım bu gün 24 olsa da, həyat yaşım 34-ün üstündədir. 

Həyatın keşməkeşlərlə böyütdüyü insanlar daha güclü olur. Mən də o insanlardanam. Bu gün xoşbəxtəm, ətrafımda sevdiyim insanlarla əhatə olunmuşam və bu məni xoşbəxt etməyə yetəcək səbəbdir, həmçinin saglamlığım yerindədirsə, sevdiyim işlə məşğulamsa, mənim üçün hər şey qaydasındadır. Bu gün çoxlu hədiyyələr və təbriklər almışam, ətrafımda məni sevən yetərincə insan var, hər birinə sonsuz təşəkkürlər! 

Özümə isə arzum gələn il 25 yaşımı ana olaraq qeyd etməyimdir, Allah nəsib etsin!  Xırda şeylərlə mutlu olmağı bacaran insan hər zaman xoşbəxtdir. Hər şeyə, hər kəsə inad mən xoşbəxtəm...

Aysel Abdullazadə
06.05.2014

0 yorum:

Yorum Gönder

 
Post Views Script by MBT -->