Post views: counter

Abdullazadə Aysel


Aysel Nizami qızı Abdullazadə - Filoloq, Yazar, Ssenarist 1990-cı ildə Bakı şəhərində doğulub. Orta məktəbi əla qiymətlərlə başa vuraraq, Bakı Qızlar Universitetinin filologiya fakültəsinə qəbul olunub.

Orta məktəb dönəmindən şeirlər yazmağa başlayıb. Ədəbiyyat sevgisi onun daha da təkmilləşməsinə yardımçı olub. 

2010-cu ildən dövrü-mətbuatda çıxış edir.  Şeirləri və publisistik məqalələri müxtəlif qəzet və saytlarda,  internet dərgilərində çap olunur. 

Güney Azərbaycanlı yazar Güntay Gəncalpın "Muhamməd - tanınması gərəkən peyğəmbər" adlı tərcümə kitabının redaktoru olmuşdur.

Şeirləri Özbək və Türkiyə türkcəsinə çevrilərək yayımlanıb. 2016-cı ildə "Günəşin Düşmədiyi Odalar" adlı şeir-esselərdən ibarət ilk kitabı nəşr olunub. Hazırda ikinci kitabı üzərində hazırlıqlar gedir. Yazarın roman janrında yazdığı bu kitabı ilə bərabər, Türkiyə türkcəsində yazdığı şeirləri də kitab halında toplanaraq nəşrə hazırlanır. Eyni zamanda ssenaristin müəllifi olduğu ssenari tammetrajlı film çəkilişi hazırlığındadır. 

Yazar Aysel Abdullazadə evlidir, bir qız övladı var. Türkiyədə yaşayır.

Sitat: Cəsarət, yaşananların var olma olasılığıdır... (Aysel Abdullazadə)



0 yorum:

 
Post Views Script by MBT -->